新一代父母要養育一個孩子何止四百萬，近年樓價高企，八十後「上車」難，繼有父母出錢為子女置業，甚至將自身物業加按，協助兒女買樓付首期後，近期更有父母「送佛送到西」，連子女的事業都「攬上身」。不僅有富爸媽斥資過百萬助子女創業，亦有家長自組公司讓子女做老闆，連中產家庭也不惜東拼西湊或動用平生積蓄，為子女搭建事業青雲路。有創業專家建議，家長「打本」給子女做生意前，宜先衡量子女的經商能力。

近年坊間流行playgroup，畀小朋友學習語言、鍛煉小肌肉等，對playgroup導師需求大增，不過現時大多數導師冇受過正式培訓，質素參差，所以坊間已有機構開設相關導師課程，為有志投身playgroup行業人士提供平台，學習如何透過遊戲，激發小朋友智能發展，增加入行機會。
小寶教育中心本身推出playgroup導師入職培訓課程已有3年，今年首次與Reachfuture合作，課程導師Miss Ma同我打工達人講：「其實我3年前已經自行開班，1年大約會有2班，每次3至4人一組；但舊年開始多人報名，所以同Reachfuture合作，開多班，o依家1年會開至少3、4班，每次約有10人參加。」
由於中心本身有舉辦唔同playgroup，有需要聘請導師，所以由曾任職幼稚園教師，及有多年任教playgroup經驗Miss Ma，根據自己經驗編制一套教材，教授如何發展小朋友8大智能。「o依家一般playgroup請導師，以幼稚園教師為主，但佢比較著重學術性，例如語言方面；其實playgroup係畀年紀細小朋友透過玩耍進行學習，所以教學模式好唔同。」

課程共有4堂，每堂有唔同主題，包括體適能、親子藝術、音樂律動、感覺綜合訓練，讀畢課程會有證書。「香港呢行暫時未有任何認可專業資格，但呢張證書由Reachfuture頒發，好多人都識呢個機構，而且搵工時，可以證明自己修讀過相關課程，會比較有利，好似之前我有學員去搵工，雖然佢之前冇任何導師經驗，但住張證書都可以順利入行。」導師薪酬有好大差別，主要視乎經驗，時薪大約$80至$500，月薪由$9,000至$18,000不等，收入算不錯，晒鍾意小朋友人士入行。
導師︰Miss Ma
學員主要以大專畢業生、幼稚園教師及家長等為主，亦有唔少文職人員修讀，好多學員都覺得呢個市場好大，有興趣做兼職，甚至轉行。如果學員表現理想，我都會考慮聘請佢做導師。
學員︰Kaling
我今年大專畢業，因為好鍾意小朋友，有興趣呢行發展，又可以順便增值自己，讀完個課程學識點同小朋友相處，而且又有證書，相信對入行好有幫助。
學員︰Kancan
我做時裝業，之前見過親戚小朋友有上playgroup，又見有唔少呢類招聘廣告，覺得有發展空間，又幾得意，所以上堂，讀完之後好有興趣轉行。

課程詳情:http://www.reachfuture.com/big5/main.php?id=309